被紅色炸彈炸中唔想去飲點算？

夏日炎炎，雖然未到擺酒嘅熱門日子，但一眾準備係年底結婚而平時你又唔係同佢地好熟嘅新人同事們，其實已經大刀闊斧咁籌備緊個婚禮，仲已經擺定個最致命嘅紅色炸彈係櫃桶，係合適嘅時機就會攞出呢轟炸你！

當你終於咁不幸真係被炸中嘅時候，心裡頭除咗千百萬句粗口之外，就應該係光速思考逃離出席飲宴嘅方法。

就以上難題，網民提出左千門別類嘅方法應對。

溫和派：
1. Book咗機票去旅行
2. 有白事，N個月之內唔可以撞紅事
3. 當日詐病
4. 有另一位親戚朋友係同一日有喜事，已經應承咗佢去飲
5. 呀爸呀媽生日

強硬派：
1. 直接話有事唔得閒
2. 九點到十點走
3. 帖照收，之後當日直接潛水
4. 話下次一定到

膠派：
1. OT
2. 要上堂 ( 而且嗰堂都係一生人一次 )
3. 代人湊狗

最後小編想講，其實新人請你飲都係想挖你份人請填補支出同你分享佢地結婚嘅快樂，若果你真係決定唔出席，無論有冇用以上嘅方法都好，都係要畀人情架！