打工仔的職場字典

想知道每一個英文詞語嘅正路解釋就可以搵真嘅字典去查下，但到底呢啲詞語係社會或者職場上，打工仔嘅眼中又會變成點呢？

Instagram上面一個「眾包」(crowdsourced) 平台 HipDict (@hipdict) 就提供咗好多「唔正路」，但大部分打工仔們都會覺得「中point」嘅解釋。

例如：

啊哥啊姐（名詞）：

一個做嘢少過你但人工高過你嘅人。

又唔可以話啊哥啊姐做嘢少嘅，畢竟佢哋有樣嘢做得最多，就係睇下你做嘢夠唔夠多！

唔緊要（短語）：

因為你太蠢乜都理解唔到，所以我唔想再嘥氣解釋啦。

根據非正式統計數據顯示，Never mind係一眾打工仔想同腦細講而又唔敢講嘅嘢。

我知啦 （短語）：

出現於當你其實唔知對方講緊乜但想佢快啲收聲嘅時候。

希望我腦細唔好見到呢張圖希望我腦細唔好見到呢張圖希望我腦細唔好見到呢張圖希望我腦細唔好見到呢張圖希望我腦細唔好見到呢張圖希望我腦細唔好見到呢張圖……

聽日（名詞）：

一個儲藏住 99% 生產力、動力同成就嘅神秘地方。

係打工仔心目中，呢個神秘地方係「聽日」，但係腦細嘅心目中，呢個神秘地方係「依家」。

我好忙（短語）：

我係有時間嘅，但唔係 for 你㗎囉。

有冇人可以話畀小編知，呢句嘢適唔適用嚟彈走腦細拋過嚟嗰啲龐大嘅工作量？

我好好（短語）：

未死得。

當腦細又又又擺咗一疊文件係你檯面，跟住扮關心咁問你：「Are you ok?」嘅時候，不要說：「I am fine」 試著說：多謝腦細！今舖照舊未死得！」

唔成熟（形容詞）：

好鬼悶同無聊嘅人用嚟形容有趣得意搞笑可愛嘅人嘅詞語。

HipDict 真係小編嘅心靈雞湯，以後就算比（好鬼悶同無聊嘅）腦細話我「唔成熟」都唔會再唔開心！畢竟小編咁有趣得意搞笑可愛，Yeah！

WTF（短語）：

啲嘢食係邊？

做做下嘢肚餓實屬人之常情啦，打工仔們見到WTF聯想到「Where’s the food？」都正常嘅。唔知腦細見到WTF會聯想到啲咩呢？

死火，唔會係Who to fire掛……（小編驚驚）

煙腸（名詞）：

現代嘅奴隸制度。

煙腸仔被譽為低成本勞動力就唔係第一日嘅事啦，而呢啲低成本勞動力都分有 pay 同冇 pay 嘅。有 pay 嘅煙腸猶如有飯食嘅奴隸，咁冇 pay 嘅就……

哎呀都係唔好講呢啲唔開心嘢！小編祝全部煙腸仔！有飯食！！（一啖都好）

放假（名詞）：

階段 1. 我會做超多嘢

         2. 我陣間會做好多嘢

         3. 我最尾都會做啲嘢

         4. 弊傢伙

唔知你地嘅 day off stages 又一唔一樣呢？咁小編嘅 day off stage 係冇「s」嘅。因為由頭到尾小編我，都冇諗住做嘢哈哈。（唔該唔好話畀我腦細知）