一星期９小時工作可拯救世界？

你無睇錯，係 9 個鐘！略多於一日嘅正常工時點解可以救世界？因為根據一份由一個英國智庫最近發佈嘅研究發現，我哋要大量咁縮短工時，減低氣候變化嘅影響。

一星期 9 個鐘工作聽落好誇張（尤其對你腦細而言），但係該組織只係提出咗我地要最終改變幾多嘢，先可以平衡到自己所製造嘅碳排放量，否則會造成全球暖化加劇，帶嚟各種負面後果，包括氾濫、寒冬、海平面上升等。

氣候變化的影響與每個人都息息相關，然而，對於解決的方案卻一直沒有共識。根據香港統計處資料，截至 7 月為止，商業機構係今年嘅平衡用電量佔全港用電量嘅 68%，繼續自1980年開始再度成為最大嘅電量消耗者。

若要短時間內將每星期工時削減到 9 小時當然係唔實際，但其實有好多嘢都可以由自己做起：

一、改善交通習慣：揸「綠色汽車」，減少使用化石燃料。當然，冇咁富貴嘅打工仔梗係選搭大型公共交通工具啦！

二、減少用紙：文件 double check 完先印，免避浪費紙張。印咗一面嘅紙背面都可以用，再環保啲嘅話，用咗兩面嘅紙可以食飯嘅時候墊檯。

三、減少電器消耗：房唔用就熄燈熄冷氣，唔係個位就熄電腦或者轉 Sleep Mode。

四、縮短工時：打工仔最期待嘅畫面出現啦！理論上，縮短工時一定可以減低碳排放量，外國有唔少公司都實行緊一星期四工作天制，可以支持環保之外，仲可以令員工提高工作效率、歸屬感同忠誠度！